Negeseuon
yr Wythnos

Mae'r Clwb Cynnar ar agor yn ddyddiol o 08:15

► Bwydlen ginio

► Newyddion

► Llythyrau

► Calendr

-----------------------

► Llythyr diweddaraf y Pennaeth 17/Ion

Dydd Llun 20/01/25

Dim neges

Dydd Mawrth 21/01/25

Cerddorfa ysgol 8:45yb

Dydd Mercher 22/01/25

Gwasanaeth Ysgol Gyfan
Clwb yr Urdd i fl.1,3a4
3:30 - 4:30yp

Dydd Iau 23/01/25

Nofio i fl.4a6

Dydd Gwener 24/01/25

Bydd Blwyddyn 6 yn ymuno yn nathliadau Agoriad Swyddogol maes 2G y Ganolfan Hamdden yn ystod y prynhawn
3:30 - 5:00 - Disgo Dwynwen y G.Rh.A yn Neuadd yr Ysgol. Mynediad yn £2 - gweler y poster yn Llythyr y Pennaeth

Dydd Sadwrn 25/01/25

Dydd Santes Dwynwen - ymunwch â ni yn y Parêd - cwrdd wrth Gloc y Dref am 1:45yp

LAWRLWYTHIADAU

Archif

Newyddion Ebrill 2013
PENCAMPWYR TWRNAMENT PÊL-DROED Y CYLCH
	Llongyfarchiadau i dim pêl-droed yr ysgol ar eu llwyddiant diweddar yn nhwrnament Pêl droed ysgolion Cylch Aberystwyth. Cynhaliwyd y twrnament ar gaeau Blaendolau gyda'r bechgyn yn llwyddo i ennill pob un o'i gêmau gan gynnwys gêm derfynol agos iawn. Roedd y gêm mor agos fel y bu'n rhaid penderfynu trwy giciau o'r smotyn. Da iawn chi, fechgyn.

PENCAMPWYR TWRNAMENT PÊL-RWYD Y CYLCH
	Llongyfarchiadau i dim pêl-rwyd yr ysgol ar eu llwyddiant diweddar yn nhwrnament Pêl rwyd ysgolion Cylch Aberystwyth. Cynhaliwyd y twrnament ar gyrtiau'r Ganolfan Hamdden gyda'r plant yn llwyddo i ennill pob un o'i gêmau yn ystod y prynhawn. Da iawn chi, blant.

MATHEMATEGWYR BUDDUGOL 'GÊM 24'
	Llongyfarchiadau gwresog i bedwar disgybl o flwyddyn 6 ar eu camp anhygoel o ennill cystadleuaeth 'Gêm 24' ysgolion Cylch Aberystwyth eleni. Llwyddodd Dylan, Eleanor, Lisa a Peredur i gipio'r wobr yn dilyn wythnosau o ymarfer chwarae'r gêm yn yr ysgol. Pob hwyl i'r pedwar yn y rownd sirol a gynhelir yn Felinfach hanner tymor nesaf.

TWRNAMENT PÊL DROED YR URDD I FECHGYN A MERCHED
	Llongyfarchiadau i dimau pêl droed bechgyn a merched yr ysgol ar gystadlu mor dda yn nhwrnament yr Urdd yn ddiweddar. Cynhaliwyd y gêmau ar gaeau Blaendolau, gyda'r timau'n cystadlu'n frwd yn erbyn ysgolion eraill sir Ceredigion. Diolch i'r noddwyr Emo Oil a Brodwaith FFIGAR am noddi'r citiau hynod smart. Da iawn chi blant am ymarfer yn gyson ac am gynrychioli'r ysgol mor dda.

SIOE 'WCW A SWYN YR ARDD'
	Cafodd disgyblion y Cyfnod Sylfaen lawer o hwyl a sbri yng Nghanolfan y Morlan wrth fwynhau sioe arbennig iawn 'Wcw a Swyn yr Ardd'. Yn y llun gwelwch rai o gymeriadau'r sioe gyda disgyblion yr ysgol. Bu'r plant yn ymuno yn yr hwyl wrth fesur, cyfri, bloeddio cyfarwyddiadau ac helpu Wcw trwy ganu hefyd. Diolch i Gylchgrawn Wcw a'i ffrindiau am drefnu!

EISTEDDFOD RHANBARTH CEREDIGION 2013
Unawd Chwythbrennau Blwyddyn 6 ac iau 1af - Sophie Neal Unawd Llinynnol Blwyddyn 6 ac iau 2il - Sophie Neal Ensemble Offerynnol Blwyddyn 6 ac iau 1af - Grwp Sophie Cerddorfa/Band Blwyddyn 6 ac iau 1af - Ysgol Gymraeg Aberystwyth	Llongyfarchiadau i bawb a gymrodd ran ac a gafodd llwyddiant yn yr Eisteddfod Rhanbarth eleni. Pob hwyl iddynt yn yr Eisteddfod Genedlaethol yn Sir Benfro. Canlyniadau: Unawd Blwyddyn 2 ac iau 2il - Lili Davies Unawd Blwyddyn 3 a 4 1af - Llŷr Eirug Unawd Cerdd Dant Blwyddyn 3 a 4 2il - Llŷr Eirug Llefaru Ungiol Blwyddyn 2 ac iau 2il - Tomos Lewis Evans Llefaru Ungiol Blwyddyn 3 a 4 1af - Cadi Williams Grŵp Llefaru Blwyddyn 6 ac iau 2il - Ysgol Gymraeg Aberystwyth Côr Blwyddyn 6 ac iau 1af - Ysgol Gymraeg Aberystwyth Dawns Unigol Blwyddyn 6 ac iau 1af - Nicole Michael Pugh Grwp Dawnsio Creadigol 1af - Ysgol Gymraeg Aberystwyth Grwp Dawnsio Cyfrwng Cymysg 2il - Ysgol Gymraeg Aberystwyth


« Newyddion Mawrth 2012 / Newyddion Mai 2012 »
nôl i'r brig