Negeseuon
yr Wythnos
Mae'r Clwb Brecwast ar agor yn ddyddiol o 08:15
► Calendr
-----------------------
► Llythyr diweddaraf y Pennaeth 11/Hydref
Dydd Llun 14/10/24
- Twrnamaint tygbi tag yn Ysgol Bro Pedr - chwaraewyr i gyrraedd yr ysgol erbyn 8 o'r gloch os gwelwch yn dda
Dydd Mawrth 15/10/24
- Diwrnod Shwmae, Su'mae a Coch, Gwyn a Gwyrdd yr ysgol - croeso i chi wisgo y lliwiau hynny, neu fel eich arwr/arwres Cymreig! Derbynnir cyfraniadau o £1 tuag at Urdd Cylch Ystwyth
- Disgo Calan Gaeaf y Cylch Meithrin yn Neuadd yr ysgol 4-5 o'r gloch
Dydd Mercher 16/10/24
- Gwasanaeth ysgol gyfan
- P.C Hannah ym ml.5
- Clwb yr Urdd i fl.1,3a5
3:30-4:30yp - cofiwch fod angen bod yn aelod o'r Urdd ar gyfer hyn - COGURDD - ar gyfer bl.4,5a6 - canllawiau
3:30-4:30yp yn neuadd yr ysgol
Dydd Iau 17/10/24
- Nofio i fl.3 a 5
- Gêmau hoci i fl.6 - tri thîm o'r ysgol yn chwarae'n wythnosol - gweld amserlen
Dydd Gwener 18/10/24
- Chwistrelliad yn erbyn y ffliw i bawb ar wahân i'r Meithrin (cofiwch ddychwelyd y llythyrau caniatâd os gwelwch yn dda)
LAWRLWYTHIADAU
Y Cyngor Ysgol a Phwyllgorau Plant
Croeso i wybodaeth a digwyddiadau 2024-2025
CYNGOR YSGOL : PWY YDYM NI A BETH RYDYM YN EI WNEUD?
Rydym yn griw o ddisgyblion a etholwyd gan blant ein dosbarthiadau er mwyn eu cynrychioli yn y cyfarfodydd. Rydym yn cyfarfod pob mis gyda Mrs Jones lle fyddwn yn trafod gwahanol ffyrdd o wella'r ysgol ac yn trefnu gweithgareddau gwahanol hefyd.
Leusa Cynrychiolydd dosbarth Pen Dinas |
Jonah Cynrychiolydd dosbarth Craig Glais |
Martha Cynrychiolydd dosbarth Pen Dinas |
Nesta Cynrychiolydd dosbarth Craig Glais |
|||
Beca Cynrychiolydd dosbarth Ystwyth |
Heledd Cynrychiolydd dosbarth Rheidol |
|||||
Matilda Cynrychiolydd dosbarth Y Pier |
Osian Cynrychiolydd dosbarth Y Castell |
Casi Cynrychiolydd dosbarth Y Prom |
||||
Medi 2024 |
Cofnodion y Cyfarfod Cychwynnol |
||
Cafwyd cyfarfod cychwynnol o’r Cyngor Ysgol i drafod pa bwyllgorau plant fydd yr aelodau yn mynychu eu cyfarfodydd yn ystod y flwyddyn. Penderfynwyd rhannu yr aelodau fel hyn: |
|||
|
Pwyllgor E-ddiogelwch Pwyllgor Eco Pwyllgor Lles a Gorau Chwarae Y Siarter Iaith Pwyllgor Gwrth fwlio Pwyllgor Dyngarol |
||
Tasg gyntaf y Cyngor Ysgol fydd mynychu’r cyfarfodydd hyn a’u cynorthwyo i fwydo i mewn i’r cynllun ar gyfer y tymor. |
|||
Medi 2023 |
Jeans for Genes |
||
Diolch i bawb a gefnogodd yr ymgyrch i godi arian ar gyfer Jeans for Genes a dysgu mwy amdano gan gydnabod bod pawb yn wahanol. Llwyddwyd i godi £172.42. |
|||
Hydref 2023 |
Bocsys Anrhegion yr Wcrain |
||
Diolch yn fawr i Jenny am ein gwahodd i drefnu casgliad bocsys anrhegion Nadolig ar gyfer plant yn yr Wcrain. Pwysig tu hwnt yw meddwl am yr amser echrydus mae’r plant yma’n ei brofi ar hyn o bryd. Diolch i chi blant a rhieni am y cyfraniadau hael. |
|||
Tachwedd 2023 |
Pabi Coch |
||
Gyda Sul y cofio ar y gorwel, buom ym gwerthu pabi coch i staff a disgyblion yr ysgol er mwyn codi arian ar gyfer y Royal British Leigon. Diolch i bawb am fod mor gefnogol a chofio ar adeg pan mae rhyfeloedd yn dal i'n heffeithio heddiw. |
|||
Tachwedd 2023 |
Sanau Sili |
||
Y diwrnod perffaith i wisgo y sanau od ‘na sydd ar waelod y fasged ddillad yw Dydd Mercher y 15fed o Dachwedd fel rhan o’n gwaith i godi ymwybyddiaeth yn ystod wythnos gwrth- fwlio a dathlu ein bod ni gyd yn wahanol. Edrychwn ymlaen at weld y sannau sili! |
|||
Tachwedd 2023 |
Her Bearpees |
||
Am gyffro oedd yn yr ysgol heddiw (15.11.23) wrth i Al Hughes o BBC Radio Cymru a Pydsi alw heibio i'n gweld yn cefnogi ei ymgyrch gyda her bearpees i godi arian ar gyfer Plant Mewn Angen. Diolch i bawb am weithio mor galed a dilyn ein cyfarwyddiadau mor dda! |
|||
Tachwedd 2023 |
'Sgen ti dalent? |
||
Cafwyd diwrnod gwerth chweil wrth godi arian ar gfyer Plant Mewn angen eleni gyda’r pwyllgor yn trefnu cystadleuaeth Sgen ti Dalent. Roedd pawb wedi gweithio mor galed i berfformio amrywiaeth o eitemau, o gymnasteg , i ganu’r piano i driciau hud a lledrith. Er bod Mrs Jones yn glyfar gyda’i thric hud a lledrith, Mr James oedd seren y sioe wrth iddo gerdded ar ei ddwylo! Talentog iawn Mr James! |
|||
Tachwedd 2023 |
Plannu coeden |
||
Mwynhaodd y pwyllgor eco blannu coeden ar dir yr ysgol heddiw (29.11.23). Diolch i Sue Jones-Davies ac i griw Gwyrddach Aberystwyth Greener am y goeden. Rydym yn falch iawn i gael bod yn rhan o’r cynllun a helpu troi Aberystwyth yn le fwy gwyrdd. |
|||
Ionawr 2024 |
Bocsys Adar |
||
Yn dilyn llwyddiant ymgyrch treegeneration a Glasu Iard yr Ysgol, rydym fel pwyllgor eco wedi bod yn ffodus i fedru archebu 4 bocs adar newydd ar gyfer yr ysgol. Mwynhaodd y pwyllgor addurno’r bocsys a bydd e’n hyfryd eu gweld yn eu cartrefi newydd yn fuan. Diolch i bawb am eu cyfraniadau ariannol ac yn arbennig i Rob o Treegeneration am bopeth. |
|||
Ionawr 2024 |
Caru Gwenyn |
||
Diolch unwaith eto i Rob Squires o Treegeneration, Sian Saunders o Gynllun Caru Gwenyn Llywodraeth Cymru a Jane Powell am ddod atom fel pwyllgor i sarad am yr ardd a chreu cynllun ar gyfer glasu’r ysgol. Edrychwn ymlaen at fedru gwella’r ardaloedd o gwmpas yr ysgol. |
|||
Ionawr 2024 |
Disgo Dwynwen |
||
I ddathlu diwrnod Santes Dwynwen eleni, drefnon ni ddisgo arbennig ar gyfer yr Ysgol gyfan. Creodd criw blwyddyn 6 fidio yn gwahodd pawb I ymuno tra bod gweddill y cyngor Ysgol wedi mynd ati i greu rhestr chwarae arbennig ar gyfer yr achlysur. Roedd hi’n wych i weld pawb yn dangos ei symudiadau cŵl yn y neuadd. |
|||
Ionawr 2024 |
Bags2School |
||
Diolch yn fawr iawn I bawb am yr holl gyfraniadau I’r casgliad Bags 2 School. Gymerodd hi dipyn o amser i gludo’r bagiau i gyd I’r fan! Cyfanswm o £236.50! Gwych! |
|||
Chwefror 2024 |
Diwrnod Diogelwch y We |
||
Heddiw rhannom neges bwysig gyda’r ysgol gyfan yn y gwasanaeth wrth i ni dynnu sylw ar ddiwrnod diogelwch y We. Ydy mae’r we yn adnodd defnyddiol sydd yn rhan o fywyd pawb, ond mae’n dod gyda pheryglon sydd yn rhaid i ni dynnu sylw atynt. Diolch i bawb am eu gwarndawiad gwych! |
|||
Chwefror 2024 |
Dydd Miwsig Cymru |
||
Cofiwch ei bod hi’n ddydd Miwisg Cymru ar y 9fed o Chwefror! Ewch ati i wrando a mwynhau amrywiaeth o gerddoriaeth Cymraeg. Beth am wrando ar rhai o ffefrynnau’r pwyllgor Siarter Iaith? |
|||
Chwefror 2024 |
Cylchgrawn newydd Buzzabazoo |
||
Cylchgrawn newydd Buzzabazoo. Mae’r copi newydd yn barod. Mae Glasu Iard yr Ysgol yn ymgyrch i godi arian ac i addysgu pobl ifanc am fywyd gwyllt ac i wneud y mannau awyr agored yn fwy ecogyfeillgar. Edrychwch pwy sydd ar y dudalen flaen! Mwynhewch |
|||
Chwefror 2024 |
Cyfarfod yn Siambr y Cyngor |
||
Diolch yn fawr I’r cynghorydd Kerry Ferguson am ein gwahodd i gyfarfod yn y siambr. Buon ni’n trafod sut i wario cyllideb y cyngor tref gan gael trafodaeth dda wrth bwyso a mesur ble oedd y llefydd fwyaf pwysig i wario’r arian. |
|||
Y PWYLLGORAU PLANT - PWY A BETH YW'R PWYLLGORAU PLANT?
Mae wyth o bwyllgorau i gyd. Penderfynwyd eu creu i glywed mwy o leisiau na llais y Cyngor Ysgol yn unig. Mae'r Pwyllgorau Plant yn cyfarfod i drafod y pethau pwysig sy'n dylanwadu ar fywyd yr ysgol, ac yn rhannu'r wybodaeth hynny gyda'r Cyngor Ysgol. Mae pob un o ddisgyblion Blwyddyn 6 ar bwyllgor sy'n golygu bod llais pawb ar frig yr ysgol yn cael ei glywed.
> Pwyllgor E-ddiogelwch
> Pwyllgor Eco
> Pwyllgor Taclo’r Toiledau
> Pwyllgor Gorau Chwarae – Cyd Chwarae
> Pwyllgor Llesiant
> Y Siarter Iaith
> Pwyllgor Gwrth fwlio
> Pwyllgor Dyngarol