Negeseuon
yr Wythnos

Mae'r Clwb Cynnar ar agor yn ddyddiol o 08:15

► Bwydlen ginio

► Newyddion

► Llythyrau

► Calendr

 

-----------------------

► Llythyr diweddaraf y Pennaeth 21/Maw

 

Dydd Llun 24/03/25

• Noson Rieni 1 - cyfle i rieni a gwarcheidwaid ddod i drafod cynnydd eu plant gyda'r athrawon (apwyntiadau wedi eu trefnu trwy Bookings)
• Criw o ddisgyblion ar daith breswyl i'r Drenewydd
  
  

Dydd Mawrth 25/03/25

• Noson Rieni 2
• Cerddorfa Ysgol 8:45yb
• Dim ymarfer pêl-droed oherwydd y Noson Rieni (ymarfer nos Iau ynlle)

 

Dydd Mercher 26/03/25

• Gwasanaeth Ysgol Gyfan
• Ymarfer pêl-droed i fl.3a4
  3:30-4:30yp
• Ymarfer Cân Actol
  3:30 - 4:45yp
  

 

Dydd Iau 27/03/25

• Twrnamaint hoci ysgolion Cylch Aberystwyth 1-5yp
• Nofio i fl.4a6
• Ymarfer pêl-droed i fl.5a6
  3:30-4:30yp (y rhai sydd ddim yn yr hoci)

 

Dydd Gwener 28/03/25

• Sesiwn berfformio yn y Neuadd ddiwedd dydd i ddangos eitemau'r Urdd i weddill yr ysgol
• DYDD SADWRN
  Eisteddfod Rhanbarth ym Mhafiliwn Bont SY25 6BB
  ► Gweld rhaglen

 

 

LAWRLWYTHIADAU

• Crynodeb o'n Cwricwlwm
• Derbyniadau Ysgol
• Gwyliau adeg y tymor
• Adroddiad Arolwg ESTYN

Gair o groeso gan y Pennaeth

Croeso i chwi i dudalennau gwefan Ysgol Gymraeg Aberystwyth. Dyma ysgol Gymraeg benodedig gyntaf Cymru a sefydlwyd yn 1939 gan Syr Ifan ab Owen Edwards. Saith o blant oedd yn yr ysgol yn y dyddiau cynnar ond bellach mae’r ysgol wedi tyfu i dros bedwar cant o ddisgyblion. Daw’r disgyblion atom o dref Aberystwyth ac o’r ardaloedd gwledig cyfagos.
Tyfodd yr ysgol yn gyson yn ystod yr wythdegau a’r nawdegau wrth i mwy a mwy o rieni weld gwerth mewn addysg Gymraeg. Mae yna gynnydd sylweddol yn y nifer o rieni di-Gymraeg sy’n danfon eu plant i’r ysgol wrth iddynt weld manteision dwyieithrwydd.

 

Mae’r Llywodraethwyr mewn cydweithrediad ag Awdurdod Addysg Ceredigion wedi cydweithio’n glòs i sicrhau adeilad addas ac adnoddau pwrpasol er mwyn diwallu’r cynnydd yn niferoedd y disgyblion. Mae yna 18 o athrawon a dros 20ain o gynorthwywyr yn gweithio yn yr ysgol ynghyd â 15 o staff ategol. Mae’r tîm yn frwdfrydig ac yn gweithio’n galed i godi safonau a gwella’r ysgol yn barhaus.
Ymfalchïwn yn safonau cyrhaeddiad uchel yr ysgol, ac mae’r ystod eang o weithgareddau allgyrsiol hefyd yn bwysig inni, gyda disgyblion yn profi llwyddiant mewn amrywiol feysydd o eisteddfodau’r Urdd i fyd chwaraeon.

 

Ein nod yw datblygu’r plentyn cyfan a chreu awyrgylch ddiogel, hapus a Chymreig – “fel y cadwer i’r oesoedd a ddêl y glendid a fu”. Darllenwch ymlaen am ragor o wybodaeth, ac er mwyn cael rhyw flas o fwrlwm yr ysgol brysur hon.

 

Mr Clive Williams